சூரியன் ஒளிரும் அழியா வனம்

இது, இலத்தீன் அமெரிக்காவின் பல்வேறு நாடுகளைச் சேர்ந்த புரட்சிகர மற்றும் சமூக உணர்வுமிக்க கவிஞர்களின் தேர்ந்தெடுக்கப்பட்ட கவிதைகளைத் தமிழில் மொழிபெயர்த்து தொகுத்த நூலாகும். இதனை தொகுத்து  மொழிபெயர்த்துள்ளார் எழுத்தாளர்  எஸ். பாலச்சந்திரன் அவர்கள்.

நூலின் முன்னுரையிலேயே, இது வெறும் கவிதைத் தொகுப்பு அல்ல; மாறாக, இலத்தீன் அமெரிக்க மக்களின் காலனிய எதிர்ப்பு, ஏகாதிபத்திய எதிர்ப்பு, வர்க்கப் போராட்டம், தேசிய விடுதலை, இன ஒடுக்குமுறை, பெண் விடுதலை மற்றும் மனித விடுதலை ஆகியவற்றின் கவிதைப் பதிவாக இந்நூல் அமைகிறது என்று ஆசிரியர் விளக்குகிறார். கலை மக்களுக்காகவும், விடுதலைக்காகவும், புரட்சிக்காகவும் ஒலிக்க வேண்டும் என்ற அரசியல்-அழகியல் நிலைப்பாடே இத்தொகுப்பின் மையக் கருத்தாக உள்ளது.

இந்நூலில் ஹோசே மார்த்தி, பாப்லோ நெரூதா, நிக்கோலஸ் கிய்யென், எர்னெஸ்டோ கார்டினெல், யுவான் கெல்மன்  உள்ளிட்ட பல முக்கிய இலத்தீன் அமெரிக்கக் கவிஞர்களின் கவிதைகள் இடம்பெற்றுள்ளன. அவற்றின் மூலம் காலனிய ஆதிக்கம், இராணுவ சர்வாதிகாரம், தொழிலாளர் மற்றும் விவசாயிகளின் வாழ்க்கை, பழங்குடியினர் உரிமைகள், காதல், மனிதநேயம், புரட்சி போன்ற பல்வேறு கருப்பொருள்கள் வெளிப்படுத்தப்படுகின்றன.

இந்நூல், இலத்தீன் அமெரிக்கக் கவிஞர்களின் அசல் படைப்புகளை தமிழில் நேரடியாக வாசகர்களிடம் கொண்டு சேர்க்கும் முதன்மை மொழிபெயர்ப்புத் தொகுப்பு. இலத்தீன் அமெரிக்க இலக்கியம், புரட்சிகரக் கவிதை மற்றும் சமூக மாற்ற இலக்கியத்தை தமிழில் அறிமுகப்படுத்த இந்நூலை நிமிர் பதிப்பகம் வெளியிடுகிறது.