ஹோசே கார்லோஸ் மரீயாதெகியும் இலத்தீன் அமெரிக்க மார்க்சியமும்

எஸ். பாலச்சந்திரன் அவர்களின் இந்த நூல், பெரூவிய மார்க்சிய சிந்தனையாளர் ஹோசே கார்லோஸ் மரியாதெகீ (José Carlos Mariátegui, 1894–1930) உருவாக்கிய மார்க்சிய சிந்தனை மரபையும் அதன் பரந்த இலத்தீன் அமெரிக்கப் பின்னணியையும் விளக்கும் சுருக்கமான அறிமுக நூலாகும்.

இந்த நூல், இலத்தீன் அமெரிக்காவில் மார்க்சியச் சிந்தனை எவ்வாறு உருவாகி, ஐரோப்பிய மார்க்சியத்திலிருந்து தனித்துவமான ஒரு பாதையை அமைத்தது என்பதைச் சுருக்கமாக விளக்குகிறது. அப்பகுதியின் காலனித்துவ வரலாறு, பூர்வகுடி மக்களின் வாழ்க்கை, நிலப்பிரபுத்துவ அமைப்பு, ஏகாதிபத்தியச் சுரண்டல் ஆகியவற்றின் அடிப்படையில் மார்க்சியம் எவ்வாறு மறுவடிவம் பெற்றது என்பதையும், ஹோசே கார்லோஸ் மரியாதெகீ, சார்புக் கோட்பாடு (Dependency Theory), விடுதலை இறையியல் (Liberation Theology), பாவ்லோ ஃப்ரெய்ரே போன்ற சிந்தனையாளர்களின் பங்களிப்புகளையும் அறிமுகப்படுத்துகிறது.

மரியாதெகீயின் சிந்தனையை மையமாகக் கொண்ட இந்த நூல், இலத்தீன் அமெரிக்க மார்க்சிய மரபின் பரிணாமம், அதன் கோட்பாட்டு புதுமைகள், புரட்சிகர இயக்கங்கள் மற்றும் உலக தெற்கின் அரசியல் சிந்தனையில் அதன் தாக்கம் ஆகியவற்றை அறிமுகப்படுத்துகிறது.

தமிழ் வாசகர்கள் அதிகம் அறிந்திராத ஹோசே கார்லோஸ் மரீயாதெகீ அவர்களையும், அவரது லத்தீன் அமெரிக்க மார்க்சிய சிந்தனை மரபையும் தமிழ்ச் சமூகத்திற்கு அறிமுகப்படுத்துவதில் நிமிர் பதிப்பகம் பெருமை கொள்கிறது.