புலம்பெயர் தொழிலாளர்கள்

வட மாநிலத் தொழிலாளர்கள் தினந்தோறும் ஆயிரக்கணக்கில் தமிழகம் வருகிறார்கள்,. அதனால் தமிழர்களின் வேலைவாய்ப்பு பறிபோகிறது. அத்துடன் அவர்கள் இங்கேயே தங்கி, இங்கேயே வாக்கு அளிக்கும் உரிமையைப் பெற்று விடுவார்கள். அதன் மூலம் வருங்காலத் தமிழ்நாட்டின்ல் ஆட்சியைத் தீர்மானிப்பார்கள். இந்த அளவிற்கு வட மாநிலத் தொழிலாளர்கள் பற்றி பீதியை ஊட்டும் செயலை தமிழகமெங்கும் ஒருசில ஆர்வக்கோளாறு நபர்கள் மேற்கொண்டனர். தமிழ்த்  தேசியம் என்கிற பெயரில் தூய்மைவாத அரசியல் செய்யும் சில அரைவேக்காடு அறிஞர்களும் வட மாநிலத் தொழிலாளர்கள் மீது வெறுப்பை விதைக்கும் செயலில் தங்களை இணைத்துக் கொண்டார்கள். 

தமிழ்நாட்டின் அரசியலை உருமாற்றி, இந்துத்துவமயமாக்கி, வடவர் ஆதிக்கத்தைப் புலம்பெயர் தொழிலாளர்கள்தான் ஏற்படுத்தி விடுவார்கள் என்ற வதந்தியில் ஒரு துளியாவது உண்மை இருக்கிறதா என்று சிந்தித்துப் பார்க்க வேண்டும். எந்தவித ஆய்வும் செய்யாமல் வாய்க்கு வந்தவற்றைப் பேசிக்கொண்டு இருந்த நேரத்தில், தமிழ்நாடு அரசின் திட்டக்குழு துணைத் தலைவரும் பொருளாதார அறிஞருமான ஜெ. ஜெயரஞ்சன் அவர்களின் புலம்பெயர் தொழிலாளர்கள் குறித்த நேர்காணல் மின்னம்பலம் வலையொளியில் 9.3.2023 அன்று வெளியானது. வட மாநிலத் தொழிலாளர்கள் பற்றிய பீதியூட்டல்கள் அனைத்திற்கும் பதில் தரும் விதமாக அந்த நேர்காணல் அமைந்தது. அது ஒரு தெளிவைத் தமிழ்நாட்டு அரசியல் உரையாடலில் ஏற்படுத்தியது.

புலம்பெயர் தொழிலாளர்கள் பற்றிய மிக ஆழமான ஆய்வை 2013இல் ஜெ. ஜெயரஞ்சன் அவர்கள் வெளியிட்டுள்ளார்கள் என்று தெரியவந்தது. அந்த ஆங்கில ஆய்வு அறிக்கையை  'புலம்பெயர் தொழிலாளர்கள் வேலையில் சூழலும்' எனும் புத்தகமாக கருஞ்சட்டைப் பதிப்பகம் வெளியிட்டுள்ளது.

புலம்பெயர் தொழிலாளர்கள் 
எவ்வித உரிமையும் அற்று, உழைத்து கூலி பெறுகிறார்கள் . அவர்கள் நமது எதிரிகள் அல்ல. உலகம் முழுவதும் இலட்சக்கணக்கான உழைக்கும் பார்ப்பனரல்லாத தமிழர்கள் புலம்பெயர்ந்து பணிபுரிகிறார்கள். அவர்களைப் போன்றவர்கள்தான் வட மாநில தொழிலாளர்களும் என்கிறது இந்நூல்..

பிகு: கொரியர் செலவு ரூபாய் 50 
புலம்பெயர் தொழிலாளர்கள் புத்தகத்தின் ஆங்கிலப் பதிப்பு   'Migrant Workers'  புத்தகமும் கிடைக்கும். அதன் விலை: ரூ.150.