Kim Ki-Duk : காதல் - காமம் - கிரோதம்

கிம் கி-டுக் — வார்த்தைகளால் அல்ல, மௌன மொழியால் திரையில் பேசிய கலைஞன். அவர் படங்களில் வசனங்கள் குறைவாக இருந்தது; ஆனால்  சொல்லாத வார்த்தைகளால் நம் மனதைத் துன்புறுத்தும். 

* அவரது கதாபாத்திரங்கள் காதலை மலர்களில் தேடுவதில்லை; காயங்களின் நடுவே தேடுவார்கள். அவர் காமத்தை உடலின் ஆசையாக மட்டும் காட்டவில்லை; தனிமையில் தவிக்கும் மனிதர்களின் பசியாக காட்டியிருக்கிறார். 
* வன்முறையைப் பார்த்தபோது அவரின் கேமரா ரத்தத்தை மட்டும்  காட்டவில்லை. ரத்தம் சிந்தும் முன்பே மனிதன் எவ்வளவு கொடூரமாகிறான் என்பதையும் காட்டியது.
* அவரின் கதாநாயகர்கள் வெற்றி பெறுவதற்காகப் பிறக்கவில்லை; தங்களுக்குள் இருக்கும் தோல்வியுடன் வாழ்வதற்காகப் பிறந்தவர்கள்.
* அவரின் பெண்கள் காதலின் உருவங்கள் மட்டுமல்ல; ஆணாதிக்கத்தின் காயங்களைச் சுமக்கும் உயிர்கள். அவரின் ஆண்கள் பலமானவர்கள் போலத் தோன்றினாலும், அவர்களின் கண்களுக்குப் பின்னால் உடைந்த குழந்தைகள் போல் அழுதுகொண்டிருப்பார்கள். 
* ஒரு படகில் மிதக்கும் இரு உயிர்கள், ஒரு அறையில் அடைக்கப்பட்ட தனிமை, ஒரு பார்வையில் பிறக்கும் காதல் — இவற்றிலெல்லாம் அவர் ஒரு முழு உலகத்தைக் காட்டியிருக்கிறார்.

கிம் கி-டுக் திரைப்படங்களை இயக்கவில்லை; மனித மனத்தின் இருண்ட அறைகளுக்குள் கேமராவை எடுத்துச் சென்றார்.

அவரின் படங்களைப் பார்த்துவிட்டு திரையரங்கைவிட்டு வெளியே வரலாம்; ஆனால் அவர் எழுப்பிய கேள்விகளை விட்டு நம் மனதை வெளியே கொண்டுவர முடியாது.

சில இயக்குநர்கள் கதைகளை முடித்துச் செல்கிறார்கள். சிலர் திரைப்படங்களை முடித்துச் செல்கிறார்கள். ஆனால் கிம் கி-டுக்— ஒரு திரைப்படம் முடிந்த பிறகுதான் நமக்குள் தனது கதையைத் தொடங்குகிறார்.

அதனால்தான், அவன் படங்கள் முடிந்தும் அவருடைய மௌனம் இன்னும் பேசிக்கொண்டிருக்கிறது. அவரையும், அவரின் திரைப்படங்களையும் முழுமையாகப் புரிந்துகொள்ள இந்தப் புத்தகம் ஒரு கையேடு.