தமிழ் மொழியில் இலக்கிய நூல்களை சென்னை போன்ற பெரு நகரங்கள் தவிர்த்து மாநிலத்தின் பிறபகுதிகளில் வாங்குவது சற்று கடினமே, அதுவும் தீவிர
இலக்கிய படைப்புகளை வாங்கவேண்டுமென்றால் ஆண்டுதோறும் சென்னையில் நடக்கும் புத்தக காட்சிக்கு வந்தோ, இல்லை நண்பர்கள்
வழியாகவோதான் வாங்க முடியும்.

2017 ஆண்டு வாக்கில் நாங்கள் அறிந்த வரை சில இணைய வழி புத்தகக் கடைகளே சரிவர செயல்பட்டன. அது போன்ற ஒரு காலத்தில்தான் www.suvadibooks.com
என்கிற பெயரில் இணைய வழி புத்தகக் கடையை துவங்க எண்ணினோம். அதில் முக்கியமாக படைப்பாளிகளின் பெயர், வயது, அவர்கள் குறித்தான சரியான அறிமுகத்துடனும், மேலும் ஒவ்வொரு புத்தகத்திற்கும் சரியான அறிமுகத்துடனும் துவங்க வேண்டும் என்பதே குறிக்கோளாக இருந்தது. இருந்தும் சில காரணங்களால் காலம் தாழ்ந்து இப்போது 2022 ல் இருந்து துவங்குகிறோம்.

இயன்றவரை தேர்ந்தெடுத்த படைப்புகளையே வைத்துள்ளோம், வரும் காலங்களில் மேலும் அதிக அளவிலான நுல்கள் பதிவேற்றம் செய்யவும் திட்டமிட்டுள்ளோம்.